المتابعون

الأربعاء، 18 مايو، 2011

غير عادى تفكير أولادى (من أرشيف المدونه )



                                                                           


ياأخوان أنا كاتب مفلس.. لو جعت يوم بكتب كلمة حروف وفوق الحاء من كلمة حروف أرمى نقطه تبقى خروف وها ... أتغدى أنا والعيال.ولما نشبع أشيل النقطه وأثبتها تحت الحاء فى كلمة حروف تبقى جروف... ونقضى ساعة العصارى أنا والعيال...وهكذا أنا شغال نقطه فوق حرف .. تحت حرف .. تتغير الظروف.وف ساعة غدا يا أخونا شايل النقطه وها.... زاغت منى وقعت فوق الفاء بقت حروق .. إتشوشونا يومها أنا والعيال..اقترح العيال بدمج نقط وحروف تدينا زبادى.. دمهم خفيف أولادى.لانهم عارفين أنى كاتب مفلس وحسهم بى إحساس عالى.. قالو ا زبادى.مع إن كلمة حروف أربع حروف.... طاب شوف كام حرف كلمة زبادى.هم فاكرين إن أكلات الحروف الارخص فيها الزبادى... غير عادى تفكير أولادى.



هناك 4 تعليقات:

Oster Blender يقول...

I like your blog a lot.

مرمر يقول...

نص جميل بجد ان حبيت مدونتك لأنها لطيفة جداً

خالد احمد محمود يقول...

Oster Blender
________________
شكرا جزيلا لزيارتك

خالد احمد محمود يقول...

مرمر
ـــــ
رأى أعتز به
زرت منونتك بس حسيت أنى لم أتناول
طعام من فتره
بالهنا لكل زوارك