المتابعون

الثلاثاء، 10 نوفمبر، 2009

العشـــش


عشش

مش للطيور

للبشر

ملهاش جدار

طول النهار

ساكنها ريح من النظر

رايح وجاى ... يالحم عرضى

ءال أتنتش نتش نتش

الليل غطاى

لما نعشش فى العشش

ما حد يشوف بكاى

ودمعى على الخدود اتفرش

مطر

يروينى م العطش

الف ساكن غير البشر

دى أرضه بينا بطش

قط خربش .... فار نكش

كلب هوهو

فاكر العشش بيت أدب

صنعها ليهم بنى البشر

حتى الكلاب بتبكش بكش

أختى وأختى أخويا وأخويا

أنا وأمى وأبوى

قطن المرتبه أتنكش

م هى كل العفش المفروش

ف أرض العشش

والسما لما تبكى علينا بترش دمعها رش

ابواب مفتوحه مرحبا خش

واتفرج ياسلام على ساكنى العشش !!!!!!

هناك تعليق واحد:

ماما أمولة يقول...

لوحة أخرى من لوحاتك التي تنسجها بمعاني الحروف والكلمات

تسلم يارب