المتابعون

الأحد، 18 أبريل، 2010

فى الأحـــــلام



فى الأحلام ياناس
الأشياء بتتزركش
وكمان
ممكن يكون الجمال ف صوره أوحش
وممكن  تكون سميع
ولا أطرش
وتسبح أو تخاف من المويه عليك
تطرطش
أشرب وفى لحظه أعطش
تكون شجيــع أو ملطش
تسافر على بساط الريح ل أبعد مكان
وترجع تبرطش
ولا الطعام ف الأحلام حكايه أيشى
مش عارف أيه
ولا مش ومشمش
والحب حكاويه ف الأحلام مره تنعنش
ومرات تلبش
تكح
تعطس
تسجــر
تشيش
المهم لما تصحى فرفش
وفى قلبك بساط الحب أفرش
وزغزغ الغم
خلى الفرح عليه يكوش

هناك 4 تعليقات:

هنا يقول...

وهاتفضل الاحلام جوانا
تفرح تحزن تتألم وتجرح وبرضوا جوانا
لو صحينا نفتكرها
ولو نمنا ندور من تانى عليها
هى دى احلامنا
بنحبها ونستناها

دائما متألق استاذ خالد رغم انى من الناس اللى تتمنى ان تعيش فى احلامها ومش تصحى منها

غير معرف يقول...

فعلا دايما متألق سيدي

دمت كما تحب دوما


أماني

خالد احمد محمود يقول...

أستاذه هنا
ــــــــــــ

شكرا أولا لتواجدك
لولا الأحلام يبدو لى لكرهنا النوم
المهم
أن نستيقظ لنحلم من جديد

خالد احمد محمود يقول...

يا غير معرف
أو أمانى
ــــــــــــــ
شكرا لحضورك

كن أو كونى دوما هنا

تشرفت بالحضور