المتابعون

الاثنين، 5 أبريل، 2010

يافرحتى أنا مـدون (من أرشيف المدونه)

يافرحتى
أنا مـــــــــدون
جمعت كل الحروف وبدأت الون
لكل القصص عندى
نهايات سعيده
وقلت يارب هـــــــــــــون

ظلام عندى بدا يتــكون
حروفى تحت السطر استخبت
الهمزه والشوله والنقط ضحكت
هأهأ ......
مدون
رايح يبيع المويه فى حارة السقايين
ويفرج الكلام للرايحين
كلام ملتوت عجين فى عجيـــــن
يوجع القلب كله أنين

قالت الحروف
روح يا أبنى أحنا مش ناقصين
تانى واحد يدون
وقصاد كل الكلام الحزين
فى نص السطر
يرسم بسمه وضحكة ويعنـــون
يارب
هـــــــــون
لكن أنا فعــــلا مـــــــــــــدون
ماسك قلم ويا دواية حبر مصنوعه من أمل
بروى منها السن
بضحك بيها النــــــــــن
بعمل على الخد غمازه لما الجبين يئن
معايا فرشه للون الأخضر تحــــن
بطير زى الفراشه للنور
ولو أنطفى منى أجــــــــــــن
لالا
فعلا ياحروفى يافرحتى

أنا مدون

ليست هناك تعليقات: