حروف مختلفة ( الجريده )

لما امسك الجريده
يدى بتتلسع
ولما اقرآ الحروف المكتوبه
من غير سطور
اتمنى كل الكلام
يتعدم
زمان لما كنا عيال
نتبعت نشترى الجريده كنا نشم
ايوه كانت ريحة الجريده معتقه بعبق المطابع وعرق ال طابع
تحس ان الخبر من الفرن
والمانشت بس هو ال احمر
بلون الدم
الورق بس ال كان متشبك
دلوقت الخبر متلبك
وعنده عسر طباعه وصناعة ومتغلف بكدب
وكل السطور مغموسه دم
واليرحمك يكتفى بالذم
كانت الجريده زمان بتتكى على كام عمود
شوف كام عمود دلوقتى بين كل عمود والحيطان مايله وايل للسقوط كل الكلام
نفسى نحترم الجريده
ونحتفظ بالعدد
مش يتفرش تحت الموائد وتتلف بيه بقايا الطعام .....