المتابعون

الخميس، 30 يناير 2014

أهداء إلى الرسامة العراقية الموهوبه الصغيرة أزل

                                                     
 
ممكن يا أزل
ترسمى لىّ دى القصيدة
أم سمرا
عيونها سودا
وليل
القمر فى السما عدت عليه سحابة
وأبنها بيزحف
بيبكى ومين بيسمع بكا الغلابة
ولما يطلع النهار
بتخربش ضو الشمس
أنياب الديابة

ولا أقولك يا أزل
يا أم ريشه من دهب
أرسمي لى على القماش
رسمة من خيالك
من براءتك
سميها فرحة عرب

دارى فيها بضل الشجر
أى دم
ضحكى فيها الكلام
غطى فيها بالبياض كل ذم
أغمسى الفرشه فى ضحكتك
لونى لى دى القصيدة

غصن أخضر
وحمام
وناس بتحب بعض
ممدوده إيدها للسلام
سما زرقا ومسحة بياض من أثر الغمام
بكل لون يا أزل
كسرى قيود الخصام ....................................

هناك تعليق واحد:

Unknown يقول...

انشالله ترد