المتابعون

الأحد، 11 يوليو، 2010

سلفنى جناحاتك ياعصفور (من يوميات أطفال الشوارع)(13)



سلفنى
جناحاتك ياعصفــــور
أطير بيهم من قلب رحايا
عماله بيا تدور
روحى
محشوره جواها وجسمى
أتملا ب الكســور
أطير بيهم ورا الشوارع
من غير سلك شايك وسور
أشوفها تسمح لىّ بالعبور
للأمل أشارات المرور
أسرح
أمرح
وأعود لعش مليان سرور
سلفنى
جناحاتك عاوز أعيش ذى حياتك
فرحان بالنور
وفى الليل عندك غطاحتى بريش منثور
ليه أنت خايف منى ياعصفور !!!!!؟


أنا
خايف يوم يتقال
من بين أولاد الشوارع
كان فيه عصفور
وأحنا
ماعندنا هذا السفور
ولا فى عرفنا مسطور

ليست هناك تعليقات: