المتابعون

الخميس، 6 مايو 2010

خربش يا شاعر

وقعتك وقعه ياشاعر

عمل تدندن بحروف الكلام

وتوصف فى المشاعر

صعب قوى يابوى وكلام واعر

لما يقولوا فلان شاعر

حسك مفروش على الورق

والورق مع كل هبشة هوا بيفر

وين مايوقع يابوى يقر

حبرك دموع وصوابعك شموع

والكلام رغم حلاته أحيانا يضر

ماشى على السطور كلامك

احساسك منقوش فيها من جواك

مش الحكاية سلك وزر

واحد يقولك منورياخال

وعشرة روح يابوى دا أنت تعر

جناحاتك مقصوصة وأنت بتخربش

ياهوه أنا حر

مهموم على طول الخط

حب كان ولا كره

كلام عمال بيه تقر

أحلامك بتنام لما يخلص الكلام

وعمره ماخلص يابوى

يلا لم وصر

همك وهموم الناس

قطر وأنت على قضبانه تجر

صعب قوى يابوى

وكلام واعر

لما يقولوا أنك شاعر

هناك 4 تعليقات:

غير معرف يقول...

ما أجمل كلمات الشاعر

وما أقساها أحيانا

سلمت يداك

جديد المواقع يقول...

اشكرك على هذة المدونة الرائعة

خالد احمد محمود يقول...

ياغير معرف
ــــــــــــ

يشرفنى حضورك وعليك أتمنى أن أتعرف

خالد احمد محمود يقول...

جديد المواقع
ـــــــــــ

رأيكم أعتز به جدا