المتابعون

الاثنين، 24 أغسطس 2009

خربش بضوافر مقصوصه ( من أرشيف المدونه )


اتمشى ف الشارع أى شارع


تلاقى ناس لابسه زى ماضى بتدور على فعل مضارع


تقوله أنت مين


يقولك أنا كنت


أنا كنت ॥أنا كنت ....... بكل زل وتواضع


ياعم أرفع


أرفع راسك .....شوف اللحمه مش العضم ال فى الكوارع


عد ...عد ..............................

هم عشره نفس الصوابع


ألحق ... مادام نفسك لسه داخل وطالع


ليه مخلى عيشتك تغم .... وعمال تنق تنق زى الضفاضع


حتلاقى عضمه فى الكرشه ماشى


بس برضه حتلاقى شمعه فى العتمه وانت للفجر طالع


خليك ياعم ماشى جنب الحيط


بس بلاش تلبس زى البرادع


ممكن كمان جدا ترفع راسك لفوق بس فى تواضع


كل الامر ليك راجع


بس أوعى تكون غرقان ف الماضى وبتدور على فعل مضارع

هناك تعليقان (2):

سامر محمد عرموش يقول...

بسم الله الرحمن الرحيم

نشكرك على الكلام الجميل والمنسق
وكل عام وانت بخير ورمضان كريم
تحياتي

خالد احمد محمود يقول...

اخى سامر

كل عام وحضرتك بخير