المتابعون

الأربعاء، 7 مايو 2014

حــروف مختلفة




مين ال سبق
وأتلون
الحبر
ولا الكلمات ..................
ولا هما توأم
وبيتعلموا فينا رسم اللوحات

يعنى أذا قلنا
الورده دى حمراء
يبقى ال سبق هى الكلمات

لا حوجة هنا للون فى المداد
طيب
أذا قلنا القدس يا عرب مسلوب
دا كلام أسود زى سواد الحداد
بس محتاج كل خطوط العمر الحمراء
يبقى المداد سبق فى الخطوات

محتار أنا
الفقر كلمة سوداء بس حمراء
الدولار ورق أخضر دا بالمفهوم
الجنيه متلون بكل الألوان وهو كلمة من فتات

طيب
لما تصرخ أظنها مش محتاجه لون
أستنى
محتاجه طبعا تتلون
أسود صرختك يافقير
أبيض ياولاد الذوات

هو مين ال سبق
وأتلون الحبر ولا الكلمات

ولا
دا أحنا أخدنا من الحرباء بعض الجينات

ليست هناك تعليقات: