شاشة عرض الأفلام
ملت من كتر الكلام
أحاسيس كدابه فى قلوب على شاشه
غشاشه بترسم فى الخيال أوهام
البطل عايش فى وادى هادى
ممدوده ليه كل الأيادى .... خـُـدام
يمثل علينا كل الأدوار
يقرأ أى حوار
على شاشة مليانه نور وضل
ونار وضلام
والعيون شوافه
الصور بتغز النن
رقص وجنس نشل ولطش ودم
رعب وتكسير أفكار وحطام
أفلام
على شاشة عرض بالطول والعرض
ب كل المقاسات زحمة ستات عفاريت حيات
أتحداك لو تنام فى الأحلام
بعد ماتتغم
تطلع من جوه الفلم تذم
حالك وأحوالك وأمنياتك ومناك
بطله بشعر حرير
داخله فى قطعة جينز بحزام
من غير أبزيم
تسأل نفسك ألف سؤال
أل فى البيت دى عندى حريم
وتكون هى لسه قافله الشاشه
على حتة بطل طرزان
فى بيوت بتنام قدام شاشه غشاشه
كلها أوهام
.jpg)
ليست هناك تعليقات:
إرسال تعليق