المتابعون

الثلاثاء، 30 مارس 2010

دار المسنيـــن


عُش

فوق غصن

قُـطع من شجرة الحنين

ذاك هو دار
المسنين

منسوج قشه قشه

من خلايا السنين
أه
ياكل المساكين

ال ساكنين دار المسنين

العمر ال طار زى ريش

والحب ال عطر كل دار
ليل ... نهار

زى تسبيح الدراويش

ذكريات على مخده مرويه

ب دمع العين والأنين

ف دار المسنين
شعر أبيض
وجلد ناشف

والنبض من قلب
أبيض ف صدر دافى

لما أتولد صبيه
كان ويا العيون فرحانين
شوف
يازمن

ذكريات على مخده مرويه
ب دمع نفس العين
والأنين

فى دار المسنين

ليست هناك تعليقات: