يافرحتى
أنا مدون
جمعت كل الحروف
وبدأت ألــــــــــــــون
لكل القصص عندى نهايات سعيده
وقلت يارب
هون
ظــلام عنـــــــــدى بدا يتكـــــــون
حروفى تحت السطر استخبت
والهمزه والشوله والنقط ضحكت
قالت هأ.......... هأ
مدون
رايح يبيع المويه فى حارة السقايين
ويفرج الكلام للرايحين
كلام ملتوت عجين فى عجين
يوجع القلب كله أنين
قالت لى الحروف
روح يا أبنى أحنا مش ناقصين
تانى واحد يدون
وقصاد كل الكلام الحزيــــــــن
فى نص السطر يرسم بسمه وضحكه و يعنون
يارب
هون
لكن
أنا فعلا مدون
ماسك القلم ويا دواية حبر مصنوعه من الأمل
بروى منها السن
بضحك بيها النن
بعمل على الخد غمـــازه ... لما الجبين ي ان
معايا
فرشه للون ألأخضر تحن
بطير زى الفراشه للنور
ولو أنطفى منى .... أجـــن
لالا
فعلا ياحروفى
يافرحتى
أنا مدون
هناك تعليق واحد:
طبعا مدون ومش أي مدون
بترسم الفرحة بحروفك وتهون
كل صعب على القلب يتكون
طبعا مدون ومش أي مدون
ربنا يبارك فيك
إرسال تعليق