عصفور رايح مصر

عصفور أصغير لصق ريش بالجنحات
قال رايح من تووه
يشوف العصافير الطايره ف مصر
خافت أمه عليه
كام عصفور راح مصر ومات
قالها يامه والله أشاعات
جنحاتك لسه صغار
حتقوى جنحاتى الحريه
ياصغيرى الحاله ف مصر دلوقت
مرار
يامه والله لو قبضنى الصياد
ونتف ريشاتى
حجرى لمصر
زى أبو الفصاد
ولفوق اعلى غصن طار
مصر كبيره
اهه باينه من هنا
شايفه انا الهرم  والنيل
شايف خلق كتيره فى التحرير
وعصفوره فتحولها القفص
بترفرف   ......... بتطير
ضحكت أمه عليه
دى عيونك ولا منظار
الحلم يامى أبنى فيها هناك عش
قالوا مش عارفين فين يودوا قش الرز
أرخص عيشه عشه هناك
حتى الحدايه بالها فى الكتاكيت
منين حيجينى بس فيها الضر
عارفاك انا من يومك
كلك أفكار
فاكره لما مسكت النمله بالمنقار
وعمال تسألها ليه بتحب السكر
ولا لما عملت
نفسك نقار الخشب
طالع نازل عامل منشار
عرفاها مصر انا قبلك يا أبو الشطار
أم الدنيا بقولوا عليها
شايفه ولادها بيبوسوا أيديها
وفيها كنوز وأثار
أكبر شويه وروح هاجر فى الشتا
حتدفيك مصر.