حروف مختلفة (مراسم دفن)

آنا من اول الحدوته بكيت
يعنى حضحك وهى اسمها
وطن ميت

حتى الكاتب من اول السطر
تقول الحزين راكب قطر
كتب الوطن مات

ايوه بالفصيح قال كدا
يبقى باقى الحكاية مراسم دفن

مامحتاجه نباهه الراويه
ولا صورة الشعب ال على الغلاف

كان باقى الورق كفن
شد انتباهى مفيش ريحة للكتابه
بس شفت الحروف زى اادود
بتتلوى فى صدر الحكايه

عبيط انا
مات ومدفون من الفصل الاول
ايه لازمة بكاي
وليه اكمل قراية الحكايه

اقفل غطاك يتابوت
كل الحروف ال فيك دم وعذاب على الفاضى
انتهت قصتك من اول الكلام
مات الوطن من البداية .....