أمشى ف الشارع أى شارع
تلاقى.....
ناس شقيانه بتدخل جوا الصخر الدراع
وناس بتاخد حق ناس برضوا بالدراع
واحد ينادى ياناس تعالوا اشتروا أنا بياع
وتانى مالى الشوارع
ضجيج وتخاريف وأوجاع
وصور كتيره مقلوبة الأوضاع
طفل ماسك مناديل ॥ أنقذونى من الضياع
واحد شايل اللوز بنفخ فى البتاع
ياسيدى
حرام عليك .... كفايه صداع
تلاقى عكس الكلام
صوت الالم زاد أرتفاع
وهى الشوارع سموها ليه شوارع
عشان تبقى كدا
دوامة ألم بلا أنقطاع
واحد يعاكس
واحد يشاكس
وتانى نازل شتيمه سيل جارف ف أندفاع
وصور كتير تانيه مقلوبة ألأوضاع
هناك 4 تعليقات:
أهلابحضرتك وبأرائك في مدونتي...سعدت بالزياره
كلمات معبره عن حال شوارعنا
تحياتي
صدقت فيما قلت
بارك الله في احرفك التي تجسد المعنى بابداع
د. أيمان مكاوى
تحيه وأحترام
تشرفت بحضورك ... كونى دوما هنا
ماما
تقبلى كل حروفى التى تعبر عن سعادتى بوجودك هنا دوما....
أصلح الله أحوال شوارعنا التى ليست بأى
حال عنوان لنا ...........
إرسال تعليق