حروف مختلفة ( ولد جنى )

كل مافى الأمر
أنى
كدا كدا
ولد جنى

لا الأرض شيلانى
ولا الهو ليه فى النسيم عندى
أسود من الليل
مكحول ببياض العين
وكل ال ملكى زندى

لا همنى عالمكم الاول
ولا التانى ليه لازمه عندى
والتالت المسخوط مرسوم عليه أنى
كدا كدا
ولد جنى

افريقى متلون
بالشمس متحنن
وأخويا فى الكفاح
خبرنى الأسد عنه
كان أسمه جدع هنـــــــدى

ماشى مشوارك يادنيا
تعضى .. تهدى
تاخدينى وتودى
بس خلى لى لون جلدى