حروف مختلفة ( ضمينى )

ها قد أتى مارس
يا أم العيون الحنان
يابسمة يالمسة يا حته من الجنان
طيب ما كل السنة فى حبك مارس
طيب ما أنتى أساس السنين ال من بدا عمرى
طيب شوفى كام مارس
عدى وأنا ما كنت عارف أنى فى قلبك مغروس وغارس
طيب أنا كبرت حبه وحبتين وتلات حبات
وعامل فيها كبير و فارس
طيب أنتى زى ما كنتى من زمان وقفالى حارس
بغض النظر عن الشهور بما فيها مارس
طيب أنا لما أهديك هديه
كيف تكون الهديه .... عمر ولا عيون
ولا كل الكون
وهو كل الكون ممكن يكون زيك بى حاسس
أنا بغلفنى وأهديك أنا
بس أكيد فيه شىء ناقص حاسس
لما أسافر
لما أرجع
لما أكل
لما أشبع
لما أفرح
أو أتوجع
لما تاخدنى السنين والعيال و حفنة مال
أنا موجود فى كيانك
ناقص أحساسى لما أحسك فى مارس
سامحينى يا أمى ...................................
ضمينى.