العرض الأول
ـــــــــــــــــــــــــ
الخلفيه فى المسرح
مصنوعه من نسيج ملون
مرسوم عليه
بيوت قديمه وشبابيك محتاجه تفتح
وسما فيها غيوم
وحجات كدا مش ضرورى أشرح
وعلى الخشبه أدواتى
أقدامى وهندامى والحاله إل أنا فيها متوشح
وكرسى قديم
وكام جوز حمام
هديله هو الصوت المصاحب للحكاوى
عشان شويه يطرب المشهد على المسرح
أرفع الستاره أنا الأن
وأضبط الأناره وحالا أطربكم
وأشرح ...
كان يا مكان
فى قديم الزمان
فتى صالح
يزرع ويقلع ... يصالح ... يسامح
يعرف الفرق بين الخير وبين كل طالح
إندمجت أنا فى الدور
أهتز الكرسى القديم من تحتى وأترنح
أنتبهت
إن الحمام رفرف
والمطلوب
انه كان يهدل
خرج عن الدور مال وجنح
بدأت ..أصرخ ... أبكى ..أزعل .. أشطح
كل الكلام كان حضور فى الصاله يتمنى يفرح
ويسمعنى لما أعيد وأزيد وفى الخيال أسرح
لانى بكل القصص مهموم أنا
وفى كل الكلام أكيد لن أنجح
ياخشبة مسرحى أصبرى
يمكن بالصبر أفلح
