كلام كتير كتبته لينا يا أبنودى
كلام ضحكنى
وكلام تانى بكانى
كام بيت من شعرك
سكنا فيه من غير غطا
وكام بيت سكن فيه خلانى واحد تانى
كلامك درر موسوم بالشمس
واخد نسمه من أحزان الغربه ..... أحزانى
من قلب الأرض لحضن السما
فراغ كبير أتملا بيك يا أبنودى
مين يملا الفراغ تانى
لما أنت تقول
أه يادنيــا انتى ال جرانى
أوعى
تفتكر أنى برثيك
أنا ب أرثى أفراحى وأحزانى
لأنوا لما شفــاى تئن
مين حيرسم أنينى على شفاة تانى
أنت معانا ف الدم مرسوم فى وجدانى
وأنا واحد
شوف فى كام ألف تانى
الدنيا فيها حروف يا أبنودى
تخربش
محت أسمى وعنوانى
وحروفك بسمة ندى
على ورد بستانى...........
أمنيات الشفاء العاجل لك يا أبنودى
ليست هناك تعليقات:
إرسال تعليق