ياأخوانا انا كاتب مفلس.. لو جعت يوم بكتب كلمة حروف وفوق الحاء من كلمة حروف ارمى نقطه تبقى خروف وها ... اتغدى انا والعيال.ولما نشبع اشيل النقطه واثبتها تحت الحاء فى كلمة حروف تبقى جروف... ونقضى ساعة العصارى انا والعيال...وهكذا انا شغال نقطه فوق حرف .. تحت حرف .. تتغير الظروف.وف ساعة غدا يا اخونا شايل النقطه وها.... زاغت منى وقعت فوق الفاء بقت حروق .. اتشوشونا يومها انا والعيال..اقترح العيال بدمج نقط وحروف تدينا زبادى.. دمهم خفيف اولادى.لانهم عارفين انى كاتب مفلس وحسهم بى احساس عالى.. قالو ا زبادى.مع ان كلمة حروف اربع حروف.... طاب شوف كام حرف كلمة زبادى.هم قايلين ان اكلات الحروف الارخص فيها الزبادى... غير عادى تفكير اولادى.
هناك تعليق واحد:
ازيك يا خالد
حيرتني انت وعيالك الطيبين
مامعنى اتشوشونا ؟
وايه حكاية النقطة اللي محيراكم دي
الحكاية عايزة قاعدة وشوشوة
تسلم يا خالد انت وحروفك يا مبدع
إرسال تعليق