المتابعون

الأربعاء، 10 فبراير 2016

شبابيك



شبابيك الكتب
كلمات
بتطل على الصفحات
ترسم شعاع من معنى
سوا بيجمعنا
فى أرحب السموات
سطر وبعده سطر
كلام مكتوب بناى
وكلام يردده غناى
وتحت الصفحه رقم
أقلب تجاه الحب
تطلع لحد النور
ورد وفراش مسرور
وآذان على المدنا
وشبابيك
قصة حياتنا
لما الأمل سكنا
وفتت الحزن فينا
فتافيت
وتكبر الكلمات
قصص
وروايات
تحضنها كل السطور فينا
والسنين تطبب ... تعزينا
خلاص
انسوا الألم ال فات
شبابيك
للحب فيها زوايا
مقسومة
على البعد
وسراب المسافات
مفتوحه على دموعنا
والنسمه فيها آهات
شبابيك
الكتب
كلمات
مكتوب على شيشها
أسم وتاريخ
أيام كنا بنعيشها
البطل فيها مات
وشبابيك
قفلناها فى حياتنا
من سكات ..................

ليست هناك تعليقات: